لبىآ ذاك الدلع ياناس

دلعها مو دلع عادي لبى ذاك الدلع ياناس
ألاقيها وتفتني وتجذبني وتغريني

أناديها يجيني صوتها الدافي وله وإحساس
هلا لبيه ( عمري ) كذا دايم تناديني

نذرت لها الغلا وعطيتها حبي بدون قياس
ولابي منّها إلاّ أمر واحد : لاتخليني
هناي بشوفها يذهِبْ عن القلب الشفوق الباس
بس هي وحدها اللي في الهوى تقدر تداويني
اداريها واخبّرها بأني دوم فيها حاس
أدللها واسكّنها وسط قلبي وفي عيني

لها عمري لها شعري لها التقديرفوق الراس
لها عذب المشاعروالاحاسيس الي فيني

كلامي مايوفيهـا ولـو صغتـه درر والمـاس
ولو أن مداد البحر واكتب مايكفّيني

( عشرينيةٍ ) لي من تثنّي قدها المياس
تضيعني معاها بالغنج وانسى عناويني

يلوموني على حبي لها وآ قول : لا لليأس
أباعيش بأمل واحلم بها طيلة سنيني

رقيقه ناعمه عذبه جميله طيّبة الانفاس
من هِْيامي أسج واسرح بها مدري أنا ويني

يسولف لي خفوقي عن غلاها واختبص وأحتاس
وأحس بحسرهْ بقلبي ونار الشوق تكويني